Мектебімізде 12 және 15 желтоқсан аралығында Тәуелсіздік күніне арналған іс-шаралар апталығы өтті.

Мектебімізде 12 және 15 желтоқсан аралығында Тәуелсіздік күніне арналған іс-шаралар апталығы өтті.

1) 12 желтоқсанда мектеп әкімшілігінің қатысуымен «Қазақстанның Тәуелсіздік шежіресі», «Елімнің бақытын тербеткен Тәуелсіздік», «Қазақстанның Тәуелсіздік биіктері», «Тәуелсіздік - тәу етер жалғыз кием», «Желтоқсан - ызғарлы, жел соққан күн» атты тақырыптарда тәрбие сағаттары өткізілді.

2) 13 желтоқсан күні мектебіміздегі "Тарих" кафедрасының ұйымдастыруымен Тәуелсіздік жолында өзін құрбан еткен қазақтың соңғы ханы Кенесары Қасымұлының 220 жылдығына арналған дөңгелек үстел (подкаст форматында) өтті.
Бұл іс-шараға арнайы шақырылған қонағымыз - Кенесарытанушы, ЕҰУ-дегі "Қазақстан тарихы" кафедрасының аға оқытушысы Оразаев Султан Берикович келді.
Сонымен қатар, бұл пікір-талас алаңына оқушыларымыз да қатысты.
Іс-шара барысында біршама өзекті және пікір-таласты сұрақтар қызу талқыға салынды.
Оқушылар да белсенділік танытты.
Мұндай формат (подкаст) мектебімізде алғаш рет өткізіліп тұрғандықтан ұстаздарға да және оқушыларға да ерекше болды.

3) 14 желтоқсанда мектебімізде «Тәуелсіздік құрдастарымен кездесу» атты тақырыпта TEDx форматында іс-шара ұйымдастырылды. Кездесу барысында Тәуелсіздіктің құрдастары «Отыз жылда үйренгенім», «Тәуелсіздіктің берген мүмкіндіктері», «Отыз жылдағы жетісіктерім мен кемшіліктерім», «Тәуелсіз Қазақстанға жаңа мәдениеттің ықпалы», «Бақытты үш он жылдық. Болашаққа бағдар», «Бұрыңғы және қазіргі жасөспірімдердің бойындағы өзгерістер» атты тақырыптарда ой бөлісті.
Бұл іс-шараға көрермен ретінде мектебіміздің жас мамандары мен жоғарғы сынып оқушылары да қатысты.

4) 15 желтоқсан күні «Тәуелсіздігім - тұғырым» атты апталықтың қорытындылау концерті өткізілді.
Іс-шара барысында оқушыларымыз қонақтарды әсем ән мен тәтті күйге бөлеп қана қоймай, әртүрлі басқа да өнерлерімен тамсандырды.
Бұл кешке ата-аналарымыз да қатысты.
Мерекелік жиын соңында мектеп директоры осы іс-шараларды ұйымдастырған директордың тәрбие ісі жөніндегі орынбасары Мақсат Жұрсынқанұлы мен педагог-ұйымдастырушы Жұлдыз Хасенқызына алғысын білдірді. 22.12