Астана қаласы Мәңгілік Ел 22/1
Астана қаласы №77 мектеп –гимназиясында Республикалық Отбасы апталығы аясында 09.09.2017 күні 4 сынып ата- аналарымен біріккен « Біз өнерлі отбасымыз » атты отбасылық сайыс өтті. Мақсаты: Отбасы Отанның бір бөлшегі екендігін ұғындырып, отбасындағы әке мен ананың, баланың рөлін айқындау, ата-ананы сыйлауға қадірлеуге,татулыққа тәрбиелеу, оқушылардың өз ортасына деген мейірімділік сезімін ояту,олардың ой-өрісін дамыту, ата-ана мен бала арасындағы ынтымақты нығайту, бірлікке шақыру.
Сайысқа түскен ата- аналар «Сәлем- сөздің анасы» әр топ өздерін таныстыруы, .«Біз өнерлі отбасы» отбасы мүшелері өз өнерлерін ортаға салуы, «Шебердің қолы ортақ» ата-ана мен баланың қолөнері, «Мақал- мәтел сөз мәйегі» мақал –мәтелдер сайысы, «Отбасы жарасылымдылығы үшін керекті, әдеттер » психологиялық тренингтер бойынша сайысқа түсті. Сайыс кезінде ата- аналар , балаларымен бірігіп ән айтып, би билеп, сурет салып, колөнер жасап, мектеп сахнасында тұрып өнерлерін паш етті. Жеңіске жетіп 1 орынды алған 4 «В» сынып «Каженовтар отбасы », сынып жетекшісі Ермухаметова Жанар Закарьяновна, 2 орынға 4 «Б» сыныбы «Зейдуллаевтар отбасы » , сынып жетекшісі Абдиева Айжан Сапарбекқызы және 3 орынды 4 «А» сыныбы «Ибатуллиндер отбасы » , сынып жетекшісі Кабышева Динара Сайлаубекқызы иеленді. Ұстаздарымыз бен ата- аналарға «Жұмыла көтерген жүк жеңіл »- дегендей мықты бірлікте болуларыңызды тілейміз!
