Астана қаласы Мәңгілік Ел 22/1
№77 мектеп –гимназиясындағы «Мектепке барар жол » қайырымдылық акциясы .
«Білімнен жақсырақ қазына болмас» деп Абу Абдулах Рудаки айтқандай білім алу шынында да ең асыл қазына болып табылады. Кез келген бала білім алуға тиісті және құқылы.
Қыркүйек айы жақындаған сайын көптеген ата-аналарды балаларын мектепке дайындау мәселесі тұрады. Ол қалыпты жағдай. Осыған байланысты Қазақстан Республикасында 2008 жылдан бері мектеп жасындағы оқушылардың мектепке дайындықпен келуіне қайырымдылық көрсету жолында «Мектепке барар жол» акциясы жұмыс істеуде. Бұл акция ата-аналарға оқушыларды мектепке дайындау барысында үлкен септігін тигізеді. «Мектепке барар жол» акциясы жыл сайын қаржылай және материалдық көмек көрсету жолында аз қамтылған отбасындағы балаларға өткізіледі.
