«ТОЛАҒАЙ!» отбасылық спорттық додасы

Бүгін 12.09. мектебімізде 4-ші сынып отбасыларының арасында қызықты дода – «ТОЛАҒАЙ» отбасылық спорттық додасы өткізілді. Сайысқа 4 – ші сынып бойынша алты отбасы қатысты. Әрбір отбасы мүшелерінің спорт киімдерінің үлгісі бірдей болды.   

Сайысқа арнайы әділ – қазы алқалары тағайындалды. Мектеп директорының бастауыш сыныптарының тәрбие -  ісі жөніндегі орынбасары  Омарова Н.Т.,  директордың бастауыш мектебінің орынбасары Кайсаева А.А. және мектебіміздің аға тәлімгері Мукатова Г.С. әділ – қазы алқаларының қатарынан көрінді.

Сайыстың бірінші кезеңінде әр топ өз топ атаулары мен ұрандарын хормен айтып өтті. Екінші кезеңде эстафеталық ойын түрлері бойынша додаға түссе, үшінші кезеңде «Аяққап ішінде жүгіру»  спорт түрі өткізілді.  Додада сонымен қатар қазақтың ұлттық ойыны «Арқан тарту» да өткізілді. Сайысқа қатысқан барлық отбасы мүшелері додаға белсенді қатысты.

 Сайыс соңында әрбір отбасы төмендегідей жүлделі І, ІІ, ІІІ орындар мен номинациялармен марапатталды:

І орын: 4 «Ә» сыныбы; ІІ орын: 4 «Б» сыныбы, ІІІ орын: 4 «В» сыныптары иемденді. «Ең алғыр топ» номинаңиясына: 4 «А», «Ең ұйымшыл отбасы» номинациясына: 4 «А», «Ең белсенді отбасы»: 4 «Ғ», «Ең белсенді отбасы» номинациясына: 4 «Г» сыныптары ие болды. Сайыс соңында барлық отбасылар мадақтау қағаздарымен марапатталды.