Астана қаласының 20 жылдығына арналған «Ұлттық ойындар-асыл мұрамыз» атты қалалық турнирі өткізілді

Бүгін Астана қаласы №77 мектеп-гимназиясында «Ұлттық ойындар-асыл мұрамыз» атты қалалық турнирі өткізілді. Турнирге Астана қаласының 

№18, 24, 38, 48, 49, 54, 77, 80 мектептерінің 9-сынып оқушылары қатысты. Әр спорт түрлері бойынша команда құрамында 5 негізгі, 3 қосалқы оқушы ойнады. Жарыс бірнеше ұлттық спорт түрлері бойынша өткізілді. Олар: асық ату, бес тас, ләңгі тебу, бұқа тартыс, тоғызқұмалақ, арқан тартыс. Командалық ойында І орын  24 мектепке бұйырды, ІІ орын 54 мектеп, ІІІ орын 38 мектеп, IV орын  80 мектепке берілді. Сонымен қатар, турнирге белсенді қатысқан оқушылар мен командалар Астана қаласы әкімдігінің «Шығыс» балалар мен жасөспірімдер орталығының алғыс хаттарымен марапатталды. Жарыс тартысты да қызықты өтті.

    Турнирді Астана қаласының №77 мектеп- гимназиясы өткізді. « Шығыс» балалар мен жасөспірімдер орталығы директорының спорттық бұқаралық жұмыс жөніндегі орынбасары Султаналиев Әділет Сагитович және Астана қаласының «Асық ойыны» федерациясының  басшысы Рахметов Ескендір Серікұлы жарысқа төрелік етті.

   № 77 мектеп-гимназия ұжымы да жүлделі орын алған командаларды жеңістерімен құттықтайды.